جنگ تاسی اوڑ ءِ جنگ ءُ جنگ کنوکیں سنگتانی وت مہ وتی گپ ءُ تران۔

bla-fighters
قمربلوچ
تاسی اوڑ ءِ جنگ ءْ جنگ کنوکیں سنگتانی وت مہ وتی گپ ءْ تران۔
(اے جنگ ءِ آسرءَ چار بلوچ پسگ شہید بوتگ)
قمربلوچکمانڈو:(کمانڈو سنگت ءِ کوڈ نام انت ءْ اے جاور آئی چم دیستگیں کسہ انت ،آ ہمے آپریشن ءَ گوں بوتگ ،بلے وتی جنگی ہنر ءُ 4 بہادریں سنگتانی سوبءَ پشت کپتگ ءْ روچ ء مرچی جنگ ءِ بہر انت۔) سنگتاں ہیلی توار انت ءْ توار ءَ چہ زانگ بیت کہ باز انت۔
ملا دیدگ :(شہید نسیم جان ءِ کوڈ نام ملا دیدگ بوتگ ملا جان کیمپ کماندار بیتگ )سنگتان وتارا تیار بہ کن انت ،من اے ناناں گیشن آں کایاں،فیروز (شہید داد جان ءِ کوڈ نام انت) تو سنگتان بزور دیما برو۔ من کمانڈو ءَ زوراں کایاں۔ چراگ (شہید سیلم جان ءِ کوڈ نام انت )دیما انت۔آئی ءَ بہ گوش اے سنگتاں بزو دیما برو۔ پما ودار مکن انت ما وتی دڑا در کپیں۔
داد بکش : جی شر واجہ۔سنگتاں وتی چاگلاں آپ کن اِت۔
(ہیلی سر بنت ،شیلنگ ءْ ماٹر جنئگ بندات کن انت۔ملا وتی ڈنگر ءِ دیما گوں ہیلی آنی ایر کرتگیں فوجی کمانڈو آں کنت کہ آئی ءِ سنگت چہ کوہ ءَ ایر بئیت ءْ آئی ءِ کرا سر بہ بیت ءْ آ بر و اَنت۔
چراگ: ہاں داد بخش جنگ ءِ ھالاں بدئے ملا دیدگ جان کج اِنت؟
داد بکش:ہیلی آں ٹیڈ ءِ سرا ارش کرْتگ ،کمانڈو ٹیڈءَ انت۔
کندیل :(شہید حکیم جان ءِ کوڈ نام انت )ملا ءَ گشت کہ من کمانڈو ءَ چاراں۔شما ادا چہ دیما برو اِت۔
چراگ:دادو تو اے ڈِپ ءِ سرءَ بنند من ءْ کندیل ملا ءَ چاراں،ساچان توگلام ءْ اْستاد کمو دیم ءَ برو اِت۔ شما تاں دیم ءِ چوٹ ءَ بورواِ ت۔ما کائیں شمارا رسینیں۔ بلے اوشتگ ءِ کار ءَ مکن ات۔
کندیل : منی ہیال ءَ آ اِنت کمانڈو پیداک انت۔
چراگ: ہاں کمانڈو جنگ ءْ ملا ءِ ہالاں بدئے ؟
کمانڈو: ملا ءَ جنگ داشتگ منارارکینتگ ءِ ے۔ہیلی باز انت۔ فوجی اش ہم جہلا دور داتگ اَنت۔ ملا جنگ ءَ انت ءْ ملا ءَ منی ڈنگر زرتگ دو فوجی ءِ ے ہم جتگ۔ بلے وت تیر ءِ ے وارتگ۔ منا گوشتگ ءِ ے تو برو۔
چراگ : تو دیما برو اْستاد،غلام ءْ ساچان ءَ بہ سین۔ ما ملا جان ءِ ھال ءَ گریں کائیں۔کندیل آفوجی آں سینپر بہ کن۔ من رواں ملا ءِ نیمگ ءَ داد دوست تو ہمدا بو۔
دادبکش : جی واجہ من وادر کن آں۔
چراگ : کندیل بریں۔
کندیل : بلے واجہ اے منی ہیال ءَ جنئگ بوتگ انت،یا وتارا چیر اش دتگ۔
چراگ: سلامت بات ئے منی شیریں ملا جان سک جنگ ء انت کہ توپانی توار اِنت۔
کندیل : ہو واجہ ملا ءَ ڈنگر گوں انت۔ڈنگر وتی کار ءَ کنت۔
چراگ:راست گوش ءِ ے منی شیر۔ تو نی ہمدءَ ودار بہ کن۔من رواں ملا جان ءِ ہال ءَ گراں پدا کایاں۔تو فوجی سنیپر بہ کن۔ من دیما رواں باں۔
کندیل: جی شر واجہ اللہ ءِ باہوٹ ئے۔
ملا ءِ ڈنگر ءِ توار انگت ہست انت ،ملا ءَ جنگ داشتگ۔
چراگ : ہاں ملا جان ھالاں بدئے چونئے ءْ تیر کجا وارتگ۔ اتک کنئے ؟بیامن ترا بڈا کناں دیم ءَ رویں۔
ملا دیدگ جان:پْل من باز تیر وارتگ نی اتک نہ کناں۔ تو اے ڈنگر ءَ بر گوں 20تیر پشتکپتگءْ ہما سنگتانی ہیال ءَ بدار آ نوک انت۔ ساچان ءْ گلام ءِ ہالاں کن کمانڈ سر بوت پہ سلامتی؟
چراگ: ہو ملا جان آ سر بوتگ۔ آرا من نوکیں سنگتانی ہمراہ کتگ !
ملا جان:چراگ منی پْل تو برو۔تانکہ منی تپنگ ءِ دپا تیر مان انت زندگ ءَ دستگیر نہ بیت ملا۔برو اللہ ءِ میار ئے۔ سنگتاں سلام کن۔ واجہءَ را بہ گوش ئے من جنگ کْتگ ،4فوجی کشتگ ءْ دو زدگ کْرتگ۔
چراگ :شر ملا جان تو ہم دینار،لالجان،نوروز،شہزادءْ سنگتان سلام بہ کن۔
کندیل:واجہ ھال کن چو ن اَت ملا جان ؟
چراگ: تیر ءِ ے باز وارتگ بلے جنگ ءِ ے داشتگ۔ بریں دادجان ءِ نیمگ ءَ ۔
کندیل: جی ہو بریں کہ داد جان ءِ کرا فوجی سر انت جنگ ءَ اِنت۔
چراگ من پیسر باں۔ تو کور ءَ آیان بہ کن۔ انگو ہیلی اتک نہ کن انت۔ایشانی فوجی پیداک انت۔ ہاں دادپْل چونئے؟
داد بکش :من وشاں۔ادا ہم شوم اتگ اَنت۔ بے وار ایش کرْتگ من دو جتگ بلے باز انت۔
چراگ:کندیل تو دیم ءَ سنگتانی ءَ برو من ءْ داد دوست کایاں۔
کندیل :من واجہ تیر وارتگ شت نہ کناں۔ من جنگ دیاں، شما برو اِت۔
چراگ :اڈے چون کدی ،کجام جاگہ ءَ ؟
کندیل:چپیں دست ءِ چیرا۔کندیل ہندگے جنت ءْ ہمدا کپیت چراگ چارگ ءَ انت۔اودا دینار،سلار،شہزاد،شمبو ءْ مجاہد ودار ءَ نشتگ انت کہ سنگتے الم کئیت مارا جنگ ءِ ھالاں دنت۔تمردانی کسہاں کاریت۔
چراگ: داد پْل بروان سنگت ءِ تپنگ ءَ بزور سنگتانی ءَ رویں۔ نوکین سنگت انت راھاں رد مکن انت۔
داد بکش : بلے واجہ بریں۔
کمانڈو سنگت زرتگ انت چہ وتارا دشمن ءِ گیرا کش اتگ۔ بلے پہ وتی کماندر ءْ سنگتان بے تاہیر انت۔ہمے جیڑگ ءَ انت کہ پدا واتر بیں دیم؂
پہ سنگتاں رادگ بیں۔
داد بکش :واجہ ہیلی آں مارا دیست کمانڈو ایر کنگ ءَ انت۔ کمو ہمدا جل ایں، توپنگ ءَ چٹے جن ایں پدا مارا جنگے دیم ءَ کپتگ۔
چراگ : جوان پْل من وتی تپنگ چٹ جتگ۔ڈنگر ءِ 5تیر پشتکپتگ ،ڈنگر چِٹ جنئگ لوٹیت۔بیا اے گز ءِ توکا تاکہ ما اندیم بہ بیں۔
داد بکش: جی شر واجہ من کایاں، بلے اشاں مارا دیست تیر جنئگ ءَ انت۔
چراگ : تو پل بیا کمو دم بہ کن۔چراگ ءَ ڈنگر ءِ پنچیں تیر جت انت فوجیاں تیر ءِ جنئگ بند کْت،داد دوست ءْ چراگ در کپت اَنت دیم پہ سنگتان بلے ہیلی آنی شیلنگ ایشانی ہمرائی گون اتنت۔کمانڈو پہ سنگتا ں چک ءْ پد ااَت۔ہمے میان ءَ داد دوست ہم تیر وارت زدگ بیت۔بلئے انگت چراگ ءِ ہمراہ اَت۔
داد بکش : واجہ تو سنگتاں بر۔ نی ہیلی مارا نہ گند اَنت۔ من آہستہ آہستہ کایاں۔
چراگ : شر منی پْل من رواں کہ ہیلی سنگتانی نیمگ ءَ شیلنگ ءَ انت۔
کمانڈو : سنگتاں چراگ جان پیداک اِنت،مئے آپ ھلاس بوتگ انت آپ اِش گون۔
گلام: اللہ ءِ ے بیاریت۔آ مئے حوصلہ بیت ،پرچہ کہ پہ سرمچاراں آئی ءِ کماندار مدام حوصلہ مندی ءِ چیدگ اِنت۔ہنچوکہ پہ کارکنان آوانی لیڈر ءِ ساڑی بوہگ آوان مضبوط کنت ،کسانین ذھگ ءِ واستہ ماس ءْ پس حوصلہ ءِ چیدگ انت۔
چراگ:ہاں کمانڈو ھال کن ترا تئی سنگت گونانت ؟،شما چون اِت ؟شمے آپ ھلاس بوتگ انت ؟ منا آپ گوں انت بزور آپاں سنگتاں آ بدئے۔گلام،ساچان شما چون ات؟چراگ کندگے جنت گشیت سنگتاں ہمیش انت جنگ۔اگاں مئے سنگت جنئگ مہ بوتین انت۔ بزاں ما دشمن پروش داتگ اَت۔ بلے ملا جان ،کندیل جان شہید بوتگ انت ما ہم دشمن جتگ۔مرچی لاہور ءْ پنڈی ءِ گسان ہم واہ ءْ زاری بیت۔ مئے مات نازینک جن انت ءْ آیانی پْرس دارنت۔ما پہ یک عظیمیں مقصدے ءِ واستہ شہید باں۔آ بیچارگ پہ 20000ءَ ۔سنگتاں شما آپ بور اِت۔من رواں فیروز جان ءَ تیر وارتگ پیداک انت کاران ءِ ے۔
ساچان:کمانڈو چراگ جان انت پارینے ؟دیر دیر شہید مسونے ءْ دیر ٹپی اے؟
کمانڈو:پْل ملا ءْ کندیل جان شہید مسونو ،فیروز ٹپی اے،چراگ جان فیروز کے ہنانے۔
وھدے چراگ ادا چہ در کپیت پدا دوئیں نیمگاں جنگ بندات بیت۔40منٹ ءَ تان جنگ بیت۔چراگ جان ءْ فیروز جان شہید بنت۔من(کمانڈو) وتی سنگتان زوریں در کپیں۔جنگ روچے ہفت بج ءَ بندات بوتگ نی مگرب انت بلے ہیلی انگت شیلنگ ءَ انت۔ما سرجمیں شپ ءَ سفر کنیں وتارا دا چہ دور کشیں۔ چارمی روچ ءَ سنگت مارا دست گر انت۔من گڈ سر ءَ جنگ ءَ شہید بوتگیں کماندار ءْ سرمچار یں ہمبلاں سْریں دورت پیش کناں۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s