گاروبیگوائیں بلوچانی روچ

bnm-germany-sabaloch

ابدین بلوچ
27مارچ 1948 پاکستان ءَ بلوچستان ءِ سراپہ زور قبضہ کْرتگ ءُ تاں روچ مرچی طاقت زور ءَ وتی حکمرانی برجاہ داشتگ۔ 1948پد بلوچ ءَ وتی زمین ءِ سرا قبضہ نہ منّ اِتگ ءُ راجی آجوئی ءِ جنز بندات کْرتگ۔ ریاست ءَ جنزءِ ھلاس کنگ ءْ بلوچ ءَ را نیست ءْ نابود کنگ ءِ واست ءَ بلوچستان ءِ ھر د د مگ ءَ فوجی آپریشن بلو چ پیر ورناہ چْک زالبول چِست کْرتگ وتی بندی جاہاں بند کتْگ۔ مردمانی گار کنگ ءِ پندل ایوک ءَ پاکستان بلوچ ء ، سرا کارمرز کنگ ءَ نئیں بلکن ءَ دنیا ءِ گیشتر زور آوراں نزوریں راجانی جنزپروش دئیگ ءِ واستہ ورناھانی آوار جنئگ ءْ کوش ءِ پندل ساز اِتگ۔ما اگاں گار ءْ بیگواہیں بلوچانی سرا یک چمشانک ءِ بدئیں یک بلائیں دراجیں لڑے دست کپیت 2000 بگر داں 2017 ء۔ 25000ا چہ گیش بلوچ پْسگ زور گریں استان چِست کنت ھزارانی ھساب ءَ بلوچ پسگ شھید کنت۔ بلوچستان ءَ گیشترین دمگانی دگ ءْ ویرانگان چہ بلوچ ورناھانی لاش دست کپتگ اَنت۔ بلوچستان ءَ چشیں لوگ کم اِنت کہ چہ آؤدا ورنا گار ءْ بیگواہ کنگ نہ بوتگاں یا آھانی لاش دست نہ کپتگ اَنت۔ بلوچستان ءَ ریاست گچین کنگ ءْ مزن کردیں سراں چہ بلوچ راج ءَ جتا کنگ ءَ اِنت۔
8جون 2009 ء بی ایس او آزاد ءِ گوستگیں مستر کماش زاکرمجید کہ چہ بلوچستان ءِ د دمگ مستونگ پڑنگ آباد ءَ آوار جنئگ بیت۔ ھشتمی سال گوزگ ءَ اِنت بلے زاکر مجید ءِ انگت ءَ ہچ سوج نیست۔ھشت سال پیش یکیں ماہ ءِ 28جون ءَ بی این ایم پنجاہی باسک ڈاکٹر دین محمد ھم آوار جنئگ بوت بلے آئی ءِ ھم انگت ءَ ہچ ھال نیست۔26جولائی 2010 بی این ایم ءِ باسک رمضان بلوچ بلوچستان ءِ ددمگ گوادر ءَ آوار جنئگ بیت۔ 18مارچ2014ءَ بی ایس او آزاد ءِ گوستگیں کماش زاھد بلوچ بلوچستان ء دِ دمگ شال ءَ چہ آوار جنئگ بیت۔ 4اکتوبر2016ءَ بی ایس او آزاد ءِ 160 بْنجاہی شنگ کار شبیربلوچ بلوچستان ءِ ددمگ کیچ ءَ چہ استانی لشکر ءِ دست ءَ بیگواہ کنگ بیت۔ دگہ ھزارانی ھساب ءَ سیاسی رھشون سیاسی باسک ریاست ءِ بندی جاہاں سال ءْ ماہانی ھِساب گار ءْ بیگواہ اَنت۔2011داں 2012 ءِ دوران ءَ ریاست ءَ سیاسی رھشون ءْ باسکانی لاشانی دور دئیگ تیز کْرت۔ ھما سلسلہ انگت ءَ برجاہ اِنت۔دسمبر 2011 سلیم بادینی چِست کْنگ بیت لاش جنوری 2012 دست کپیت۔وزیر خان مری ستمبر2012 چِست کنگ بیت لاش جنوری 2012 دست کپیت۔ بی ایس او آزاد ءِ گوستگیں چیئرمین سنگت ثنادسمبر 2009ءَ چست کنگ بیت فروری 2012لاش چہ مند ءَ دست کپیت۔ رحیم داد ستمبر 2011 چست کنگ بیت فروری 2012 ءَ آئی ءِ لاش دست کپیت۔ عبدلغفار فروری 2012چِست کنگ بیت160مارچ 2012 ءَ لاش دست کپیت۔چہ برز ءَ نبشتہ کتگیں ورناھاں ابید ھم دگہ بازین سیاسی رھشون ءْ باسکانی لاش دست کپتگ کہ آھاناں استان ءِ لشکر ءَ چہ بلوچستان ءِ دمگاں ءْ دگہہ شہراں آوار جتگ۔ بازیں انچیں لاش ھم دست کپتگ کہ آھانی پجّار نہ بوتگ ءْ زمین ءِ میار کنگ بوتگ اَنت۔بلوچستان ءِ دمگاں چہ ورنا ءْ کماشانی، زھگ ءْ زالبولانی آوار جنئگ انگت ءَ برجاہ انت۔ گار ءْ بیگواہیں بلوچانی بازیابی ءِ واستہ ماما قدیر بلوچ ءَ چہ کوئٹہ ءَ بگر داں اسلام آباد ءَ لانگ مارچے کت، بلے پاکستان ءِ عدلیہ ءْ حکومت بلوچانی بیگواہی ءَ سرانہ ایوک ءَ خاموش اَنت، بلکن حکومت ءِ مردم وت ڈیتھ اسکواڈ گروپانی سربراہی ءَ کنگ ءَ اَنت۔ بلوچستان ءِ بیگواہیں مردمانی بازیابی ءِ واستہ داں کہ چہ بلوچ زانتکارانی نیمگ ءِ توار
چست کنئگ نہ بیت، چشیں ہچ گمان نیست کہ پاکستان بلوچانی بیگواہ کنئگ ءْ کشتط ءُ کوش ءَ چہ دست کش بہ بیت

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s