بلْک کسہ کنت۔

missing-mother

مہروان کمبر
ما کسان اتیں گْڈا بلْک ءَ مدام مارا گْشت کہ داں من زنِدگاں شْمارا من مزنیں شہرانی وانگ ءَ نیلاں شمارا یکے جنت ءُ کشیت۔ بلْک ءَ اے گپ پرے ھاترا کْتگ اِت کہ ھمے زمانگ ءَ مے سیادے شہرءَ وانگ ءَ شتگ اَت آہ یک روچے جنگ بیت آہی لاش شہر ءَ چہ کمو گِست ء4 یک جنگلے ءَ دست کپیت ۔بلْک ءَ مارا چو ساہ ءَ دوست داشتگ ات او ھمے کہ شپ بیتگ ات گْڈا من ھمل ،انور ءْ جمال بلْک ءِ کْل ءَ4 زمِستانی شپ ءَ کمبلے تہا وپتگ او کِسہ گوشداشتگ ات بلْک کِسہ آرگا اِت جِن او پریانءِ کسہ ،بلاہ او آجوزانی کِسہ،ھرو گوکانی کِسہ،شوانگ ءُ بادشاہ ءِ جنکے کِسہ۔پدا وھد دیما جْنزان بیت نوں مْوسم ھم مٹان بیت۔نوں جنگانی مْوسم بنِدات بیت۔نوں ابِیتکیانی مْوسم بیت او دْورِیانی مْوسم او دِراجکشیں دْوریِانی مْوسم ۔نوں بلْک مْلور بیت۔بلْک ءِ کِسہانی مْوسم ھم بدل بیت ۔او بلْک ءِ پیشانی ءِِ کرنچ گیش بوْھان بنت۔ نوں کِسہ کْوھاں رپتٰگیِں بچّانی اِنت ۔نوں کِسہ زنِدگی ءِ راہ ءَ رپتگیں شہیدانی انِت۔نوں کِسہ گارو بیگوائیں مردْمانی انِت۔آہ زمانگ گوستگ اِت کہ بلْک ءَ مارا گشتگ اِت شْما وانگ ءَ مرو اِنت کْشگ بئے نوں بلْک ءَ وت سْھبانی سرا مارا واب ءَ چہ پاد کت راہ دات کہ برو اِت بْوان اِنت شْمے چم پچ بنت وتی نیک او بداں زان انِت وتی پجارا زان انت وتی ھکانی پچگِرگ ءَ او منی کِسہانی نبشتہ کنگ ءَ .. اگاں شْما نہ ونت گْڈا وھدے دنز ءُ مجاں گار بئے۔
نوں ما روچ ءَ وانگ ءَ اتیں ءُ شپ کہ بوتگ اِت گْڈا بلْک ءَ شپ ءِ یک بیگواھیں مردم ءِ کِسہ کتگ اِت، کمبر جان، کامریڈ کیوم، ازگر، رسول جان، سمد جان او دگہ بازیں مردمْانی کِسہ کہ زندگی ءِ وابانی شْوھازگ ءَ رہادگ تنّت پدا واتر نبیت اَنت۔
بلْک کِسہ کنگ ءَ اِت زاھد جان ءِ کہ 18 مارچ 2014 شال ءَ رْوچ رھمان زالماں آوار جت ءُ گوں وت ءَ بْرت زندان ءِ کْوٹیانی میار کْت کہ اودا ابید لٹ ءُْ کْٹ ءَ ٹارچر ءَ دگہ ھچ نیست۔۔۔ بلْک کِسہ کنگ ءَ اِت ورنائیں شبیر جان کہ گون بچکنداں 4 اکتوبر 2016 گوارکوپ ءَ چہ آوار جنگ بوْت کس نزانت کہ کْجام ھالا اِنت۔۔۔بلْک کِسہ کنگ ءَ اِت ڈاکٹر دین جان کہ 28 جون 2009 چہ اورناچءَ شپ ءِ گْڈی پاس ءَ لشکرا آئی کواٹرا چو دوزیں تولگ ءَ دور کْت چم بست انِت او گون وتا برت ءِ … بلْک کِسہ کنگ اِت ورنائے زاکر مجید کہ 8 جون 2009 چہ مستونگ ءَ بیگواہ بوت۔ دگہ ھزارانی کچ ءَ زالمانی دست ءَ بیگواہ بیتگینانی کِسہ… الم تو اِشان تہاریں زندان ء4 بندیگ کْت کنّے بلے اِشانی سوچ ءُ بچکندان، آگہی ءِ دیستگیں واباں ھچبر تہارین کوْٹیانی باھوٹ کْت نکن ءِ ۔اِشان مْدام چو شہید سباہ ءََ گْشتگ کہ من مبان بلے واب زندگ بنت ۔وابانی زندگ کنگ ءِ ھاترا درد سگگ ءَ اَنت… درد اَست اَنت کہ زندگی است انِت

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s