ڈاکٹرمالکءِ آزمانک ءِ اسلیں آدینک

abysmal-state-of-education-in-balochistan-it-is-about-time-dr-abdul-malik-baloch-started-to-take-1439920775-6442

ڈاکٹرزہیر بلوچ
ماہتاک زِندءِ تہاڈاکٹرمالکءِ آزمانک ’’لوگءَ سوچ کہ پُرحریدانَت‘ ‘تاریخ(فروری2017) وانگءَ چہ پد دلءِ اوپارنشوت کہ ڈاکٹرصاحب ءِ آزمانک ءِ اسلیںآدینکءَ آئیءَ پیش بداراں۔ ڈاکٹرمالکءِ اے آزمانک راجءِ انوگیںھپت ءُ ھشت سالے نیامابوتگیں حالانی نداراگءَ کنت۔اے آزمانک یا نبشانک من بگوشاں،راجءِ دہ سالے راجدپترءَ پیش دارگ لوٹ ایت ۔اشی یے توکا شہید غلام محمدبلوچءُ آئی یے سنگتانی کِسہ ھوارانت۔اے آزمانک ئے دگہ یک کِردمولابخش دشتی یے گپءَ کنت۔نوبیااِت چاریں کہ ڈاکٹرصاحب چے گشیت ۔
ڈاکٹرمالک نبشتہ کنت کہ’’کورءَ الم سالے یک رندءَ ھؤرءُ ھارکُت ،مہلوک ئے سوب بوت پرچیکہ مہلوکءَ وتی ڈگارماش،سُہرو،غلہ،کوٹگ ءُ تیجگ کتاں۔اے کورمہلوک ءِ نان بوتگ‘‘۔جی واجہ !تئی گپ وتی جاگہہءَ سک شرانِت کہ اے کورمہلوکءِ آپ ءُ لاپ بوتگ‘‘بلئے گپ اش انِت کہ واجہ!اے کورانگت است انِت اے کورءِ ہارانگت تچگائیں انگت برے برے ھؤربیت کورہارکنت بلئے اے رندے ھؤر ئے ہارسُہرانِت۔مھلوکءِ ڈگارءِ کشت ءُ کِشاری گوں ہمے سُہریں ہارءِ بیت ۔راج پداوتی ڈہھءَ وتی ڈگارءِ واجہ وت بیت آہمے سُہریں ہارءِ نمبءَ ڈگاراشونیت گڑاغلہ،سُہرو،ماش،کوٹگ ءُ تیجگ وشیں کلبر ئے اورماگاں راج ءِ آؤکیں اوبادگ ورانَت۔اے گپءَ ہم بزان کہ نہ تہنادادشاہءِ ھلکءِ کورسُہربوتگ بلکیں ماتیں وتن ئے دلبندءَ لکھانی سابءَ اے پیمیں کورءِ ہارسُہربوتگاں۔
دیمترءَ مالک صاحب گشیت کہ ’’اے دمگ چہ زندے بنکی آسراتیاں سک زبہربوتگ ۔ھودادرمان جاہ،اسکول نبوتگ۔مہلوکءَ آپ چہ دوراں ٹریکٹرئے سراآؤرتگ‘‘۔مالک صاحب! !!!!!!!!!!!!!!! توبیاتراسرجمیں بلوچستان ءِ دمگاں گولیناںھوداوتی راج ءِ حالءَ بوپُرس۔بلے تچکیں گپ اش انت کہ گنگ انت تئی زبان،کہرانت تئی گوش،کورانت تئی چم،مُنڈانت تئی دست پاد۔گلزمین ئے دامنے نشتگیں بزگیں راجءِ حال تودیستگ اوگندگائے بی۔راج درپہ درانت،راجءِ ماس ءُ گہارکس نہ رکیتگ ۔گلامیں راجءِ درائیں مہلوک درپہ درگلزمین ئے دامنءَ زمستانیں شپ ءُ گرمیں لہوارایں روچاں سگگاانت ۔آچہ دورءَ پنچ شش گھنٹہ ئے پند بیت ہماچاتءَ ہرءُ اوشترانی سراآپ کارانت ۔برے برے پندہ دستانی سراآپ بڈاکناں وتی لوگءِ ضلورتاں سرجم کن انت۔راجءِ ورناہانی ماس زندے گماں اوژناگ کنان جنزان انت۔مہلوک درابزٗگ انت۔راج گلام انت ۔اے حبرءَ توبی زانے۔
بلئے گپ اش انت کہ دادشاہ ئے گل ءِ لوٹ ءُ گرزواٹرپمپ،،ٹھیکداری،گٹرلائن،اسکول ءُ سڑک بوتگاں۔ دادشاہ ئے گل ئے زندگیں مردم روچ ء مروچی بی ہمااورتوڈوکس سیاسست ئے کنوک انت۔گش انت کچک ئے لٹک بہِ سیدانہ بیت۔دادشاہ ئے گل ئے زندگیں مردم!ہماسیاست ئے دُمبالونجان انت کہ آئیءِ وجکارروچے دہ رندءَ لگت جنت۔گل ءَ رامیزیت۔بلئے انگہ دادشاہ ءِ گل لُٹ ءُ پُل ءِ ہمراہ داری ءُ راجی دژمن ئے کاراں گوںھوارانت۔۔۔۔
ڈاکٹرصاحب دیماگشیت کہ ’’دادشاہ سکیں محنتی ایں مردمے بوتگ،ونتگے شپ ءُ روچ بلے وانگے ہمرائیءَ سیاست ءِ وائرسءَ گیپت۔‘‘یک گپے تراتچک گشاں کہ راجی جنزآ جوئی یے سیاست ءَ وائرس نگشاں۔ دادشاہ ئے گل راجی جہدءَ راوائرس ءِ نامءَ تواربرجنگ بی یک جیڑگی گپے بی بیت پہ ڈاکٹرءَ۔دادشاہ ئے گلءِ مردم المءَ وتی دیماں گوںآدینکءَ بکناں وترابچاراں۔بلکیں تچکیں گپ چش بیت کہ دادشاہ ئے گل ئے سیاست ’’وائرس‘‘ئے پہ راجءَ۔دگہ جائے ڈاکٹرنبشتہ کنت کہ’’دادشاہءَ مدام جیڑیتگ کہ ڈیھہ چہ بنکی ضلورتاں چہ زبہرانت۔مئے مہلوک جاہل اِنت نہ ورگی آپ است نہ بجلی نہ اسکول ءُ کالج‘‘۔ ڈاکٹرصاحب کموں اگں مردمے توکہ پٹ ءُ پولی ساچست بی بیت کہ اے بزگی، ہزابی،گریبی،پدمنتگی،ناوانہندہی،جاہلیتءُ زندی آسراتیاں چہ زبہربوھگ وت گلامی یے داتگیں سوگاتاں۔
دادشاہ ئے گل بوت کنت سرپدنہ ئیں بلئے گواچن اش انت کہ راجی گارءُ گمساری یے سوال انت راج ءِ جہُدئے لوٹ گرزچہ دادشاہ ئے گل ائیگاں دیمءَ انت۔راجی جُہدہمے لوپیں سوگاتاں چہ بُناگَوجگ لوٹ ایت ۔دادشاہ ئے گل وَہچ وڑاراجی جیڑہ ئے گیش اوگیواراں درگیتک نہ کنت بلئے چپءَ آستونکے مارے پیمءَ راج ءَ راڈنگ جنگائیں۔ اے آزمانک ئے اسلیںآدینک ماراگندگءَ وشیءَ کیت کہ دادشاہ ئے گل ئے سیاست پہ بجلی،گیس،واٹرپمپ،مسیت،بلڈوزری گھنٹہ،اوگٹرلائن بوتگ۔مناانچولگیت کہ دادشائے گل زیکیںیے روچءَ اومروچی بی چم جہلی دربرگائیں۔راجی اسل جیڑہ وت واجہی ایں۔شمے گل بی زانت جیڑہ چی ایں بلئے چے کنے چم جہلی ءُ بے آپی یے درگاہ نیست کہ دادشائے گل درببارت۔
دادشاہ ئے سیاست ءِ مول ءُ مرادمرچی ایں باسکاں سرجم کتگاں۔دادشاہ ئے گلءِ بندوکیں مردم وزیرءُ گزیربوتاں۔سروزیراوں بوتاں۔دیمترامالک صاحب ءِ آزمانک تران کنت کہ ’’دادشاہ ءَ زوتاں اے دمگ ءِ ورنا،طالب علم،دانشور،لیب ءُ گوازی یے سیادی داروک ،جنین آدم،شاعرءُ نبشتہ کار ،میرءُ معتبروتی گل ئے تہامچ کتگ انت ۔آئیءَ گل نظریاتی بنیادءَ منظم کتگ‘‘جی ہو!!!!!راست انت دادشاہ ئے گل ئے راہ ہماوھداجتابوتگ کہ آہاں کامریڈ فدابلوچ شہیدکنائینت کہ آ ورناہ گل ئے بندوکی اَت۔کامریڈءِ شہید بوھگاپددادشاہ ئے گلءَ گچین کاری ءَ بہرزرت وزیرءُ گزیربوتاں۔وتراٹیٹ بنائینت دادشاہ ئے گل ءِ مردماں۔دومی گپ اش انت کہ لھس مھلوک دادشاہ ئے گلءَ ردداتگ آہاناں گیشترسانکلانی نیمگءَ تیلان داتگ۔شاعر،نبشتہ کار،ورنا،کماش،شپانک،ڈاکٹرز،وکیل،ٹیچرز،پروفیسرز،زالبول،پیرکماش، دہکان مزدورکل دادشاہ ئے گل ئے مول ءُ مراداں سرپدبوتگ انت۔وھدے کہ راجءِ ورناہاں ہمے لئکیت کہ اے دُراڈُنگ ءُ دُزاں،ڈنگ جنوکیں سیاماراں گڑاورناہانی تہایک آجوئیں گل ئے جوڑکنگ بوت،کہ آئی یے مول ءُ مرادیکی اَت ۔بس یک آجوئیں سرزمین ۔ڈاکٹربشام ءَ راجی ورناہانی گل چہ سیاسی دروگیں گلاں الگ کت ءُ گل آجوبوت۔ہمے دورانادادشاہ بی زندگ اَت۔دادشاہ ئے گل ءِ درائیں مردماں ہمے کوکارءُ سلوات کت کہ اے ورناجزباتی آں،اے نزانتکاراں،اے لہتیں چکاں،اشانی ھون گرمیں،اے ھاموش بنت۔بلئے ڈاکٹربشام وتی یکیں راہ ءَ رازرت ءُ دیماجنزان بوت ۔کم کمءَ راجی ورناہانی گل لھس مہلوکءِ ،دمک ماں دمکاں،ڈگارءُ کوہ آں،تالان بوان بوت گڑااشی یے توکادرائیں مہلوک اتک ھواربوت۔ اے کاروان ءِ تہا ڈاکٹرز،انجینئرز، ٹیچرز، نبشتہ کار،شائر،زانتکار،دہکان ،پیرءُ کماش کلاں بہرزرتگ اَت۔
ہمے پیمءَ دادشاہ ئے گل وتی اوٹ ءِ پنڈگءَ گلزمین ئے درائیں دمک ماں دمکاںیلااِتاں۔آنیمگءَ راج ئے ورناہانی جنزدیم پہ منزلءَ روان اَت۔اشی یے توکہ ڈاکٹردلوش ،لالی،شیرو،کمبرو،مسکان دمک ماں دمکاں راجءَ راجنزءُ آجوئی یے سکین دات ءُ آہاناں گلامی یے سانکل ئے پروشگ ئے نیمگءَ دُرائیں مہلوک آؤرت یکجاہ کتاں۔ہمے نیاما ڈاکٹردلوش،ڈاکٹرمسکانءُ گلءَ چہ بندوکیں دگہ بزایں ورنا استان ءِ چیریں ادارہاں آوارجتاں۔لہتیں وھدءَ ڈاکٹردلوش گارءُ بیگوائیءَ پدآجوبوت۔آجوبوھگءَ پدڈاکٹردلوش دیم پہ کوہءَ شُت۔۔۔۔۔
نوں ڈاکٹرمالک ئے آزمانک وتی اسلی دروشمءَ پیشدارگائیں کہ ’’اناگاہ دادشاہ ئے ڈیھہ ءَ انقلاب ءُ آزادی یے نعرہ چست بوت۔نوجوانانی انقلابءُ آزادی نعرہاں ہرکس متاثر کت۔دہکان،زانتکار،نبشتہ کار،شاعروکیل ڈاکٹرز،زالبول،مزدوردراھوارہرجاگہہءَ انقلاب ءُ آزادی یے نعرہ اَت۔گشئے آزادی کوہءِ پُشتءَ اَت۔بس لہتیں گامانی سراانت ۔ ہرکسءَ آزادی ءُ انقلاب ءِ گپ نہ جت گڑاآراجءِ دژمن اَت۔انقلاب ءُ آزادی یے اپوگ اَت۔آئی یے دوامرگ اَت ءُ راجی غدارے گوشگ بوت‘‘۔
جی اؤڈاکٹرصاحب!!!!انا گتاں آشوب ءُ آجوئی( انقلاب ءُ آزادی)یے نعرہ چست بوت۔لہس مہلوک دُراڈنہ میدانءَ ایرکپتاں۔دیم پہ کوہ آں رپتاں۔ہرجاگہ مچی، روانک،زہرشانی،برجاہ اَت۔ نبشتہ کار،زانتکار،دانشور،چاگرد،درچک تاک،کوہ ءُ سبزیں ڈگار،کسان،محنت کشیں مہلوک،ورناہ ،پیرکماش،زالبول،وکیل، ڈاکٹرز،انجینیرز، پروفیسرز،ٹیچرز،کسمانکار،آزمانکار،شاعر،ولی،ملنگ،متلب اشیں دُرائیں راج اے آشوبءَ ھواردیم پہ منزلءَ گامگیج اِتاں۔ہرجاگہ ماتانی چمانی ارس،گہارانی گشان،راج بزگ اَت،یک ناسازگاریں جاوراَت۔کس چہ وتی زندہ وش نیا۔دُراجنگ ئے آجوئیءَ ھوار اِتاں۔گریبیں راجءِ کُڈک،کشت کشارماندارگ بوتاں۔راج درپہ درکوہ آں ماں سنگراں شتاں۔۔۔۔۔
دومی نیمگءَ راجدوستی یے دروگیں نعرہ جنوکیں دادشاہ ئے گل لہس مہلوک ئے جنگءَ ھوارنبوتاں۔کمک ءُ دلبڈی کنگ وتی جاگہہءَ ،بلکیں دادشاہ ئے ہلک ئے انقلاب ئے پروش دئیگ ئے ھاتراراجی دژمن استانی لشکرئے ہمراہ داری کنگااَت۔پیرکماش وھدے کہ شہیدکنگ بیت گڑادرائیں ہلک ءُ دمگاں لہس مہلوکءَ ایرجت،زہرشانی کت،استانءِ ھلاپءَ نفرت ئے شدت تیزبوت۔ہرجاگہہ کوہ ءُ دمگ،شہرءُ ہوٹل،بازار،درائیں جاگہاں ڈیھ ئے انقلاب ئے بابتءَ گپ ءُ تران بوھگااَت۔شاعر،نبشتہ کار،دانشور، کسمانکار،دراہاں ڈیھ ئے آشوبءَ بہرزرت۔ڈیھ ئے انقلاب ءَ دادشاہ ئے گلءَ بی دوتل ءُ دوپوستی دروشمءَ راج انقلاب ئے گپ جت۔دادشاہ ئے گل ئے لہتیں باسک پیرکماش ئے کوش ئے ھلاپءَ زہرشانی کنگ ءِ جرمءَ دزگیرکنگ بوتاں۔پدایل دئیگ بوتاں۔یک گچین کاری ءَ اشاں بارنہ زرت کہ پیرکماش ئے کوش ئے زہرشانی ایں بلئے پداگل ءَ مارایت ک آئی ءَ گیچین کاریءَ بہرنزورگ زنڈیں ردی یے بوتگ۔۔۔۔۔۔۔
دگہ جائے آزمانک گشیت’’لہتیں پہ زانت ءُ لہتیں پہ نازانتی،اے تلامءَ راوتی کوپگاں زرتاں‘‘واجہ مالک صاحب!!!اے گپ تئی راست انت کہ لہتیں پہ زانت لہتیں پہ نازانت، بلئے ہمامردماں کہ پہ زانت تلام ئے کوپگاں کت، آانگت زندگ انت وتی گپے سرااوشتاتگ انت۔ہماہاں کہ پہ نازانتی دورکتگ آہاں وتراسرنڈرکنائینتت۔ڈیھ ئے انقلاب تچکیں راہءَ جنزان انت کسے دمبارت کسے پشتءَ کینزایت بلئے کاروان روان انت۔۔۔۔۔
آزمانک ئے دگہ گپ ئے’’ڈیھ ئے مغربءَ بگرتاشغربءَ جنگ ئے تبلاں جت،ہرروچ بم دھماکہ،پوج ءِ سراارش،سرکاری اسکولاں ملک ئے جھنڈیانی دورکنگ،ملکی ترانہ ئے وانگ بندکنگ بوت۔ٹرین آنی سرارش،جلسہ جلوس،کالج ءُ یونیورسٹی آنی تہاقلمءِ جاگہہءَ کلاشنکوف۔ڈنی پروفیسر،ٹیچرانی جنگ ءُ کشگ،دری قوم ءِ مردماں دگانی سراچہ بس ءُ گاڑیانی ایرکنگءُ آہانی کشگ۔ترقیاتی کارانی دارگ،دری پوریات گیرانی کشگ۔دادشاہ ئے گل ئے بازیں سنگتاں جمہوری جدوجہدیل کت ءُ سلاہ بندیں جہدءَ ھواربوتاں۔‘‘
مالک صاحب یک گپے الم بزان کہ وھدے ڈیھ ئے آشوب چست بیت الم ڈیھ ئے درائیں دمگ دنزءُ مج بنت۔سلاہ بندیں گلانی نمیگءَ ہرکارے بوتگ آگوریلاجنگ ئے وتی راہ ءُ رہبنداں۔سلاہ بندیں گلاں بے گنائیں مردم نہ جتگ ۔جنگ ئے وھدءَ کولیٹڑل ڈمیج الم بیت۔دادشاہ ئے ہلک ئے انقلاب چست بوتگ اَت۔درائیں وانگجاہاں استان ءِ ترانہ ءُ بیرک بندکنگ بوتاں۔نوں گپ اش انت کہ اے وانگجاہ درااستان ءِ پوجءَ قبضہ کتگاں اسکول ءُ کالجانی سرالشکرءَ وتی مورچہ جوڑکرتگ۔انگت بازیں اسکول ءُ وانگ جاہ استاں کہ ھوداملکی جھنڈی ءُ ترانہ نیست۔دادشائے گل ئے مردماں ڈیھہ ئے انقلاب ئے تہابہرنزورتگ ہمائی ءَ کہ بہرزرتگ گڑاآئی المءَ وتراچہ دادشاہ ئے گل ءَ دورداشتگ۔واجہ مالک صاحب!!!!اسلیں گپ اش انت کہ راج ءِ ڈیھہ یک جنگی کیفیت ئے توکہ گوَزگائیں۔اے جنگ زدہ ڈیھہ ئے تہاہچ وڑیں دری قومانی ترقی یے پروجیکٹ منگ نہ بنت۔ راج ءِ لوٹ ڈیھہ یے آجوئی انت۔کالج ءُ یونیورسٹی آنی تہاہچ کلاشنکوف نبوتگ ۔راج ءِ ورناہاں کتاب ءُ قلم ئے زورءَ راجءِ ورناہ گل داشتگ اَت۔راجءَ راسرپدی دئیگءَ اِتاں۔۔۔۔۔۔۔۔۔۔
دیمترامالک گلگ کنت کہ ’’آہاں وتی پیشی ایں گل ئے ھلاپءَ فتوادات کہ اے راجی غدارانی گل انت ۔اشانی لیڈرآنی کشگ المی ایں پہ آزاتی‘‘ڈاکٹرصاحب!!!!اے وَتچکیں حبرئے کہ دادشاہ ئے گل غدارانی گل گشگ بیت۔اشانی ھلاس کنگ بی رواانت۔راجدپترالم دادشاہے گلءَ چے حساب گیپت۔دیمامالک گشیت ’’راج ءِ مستریں واہش ہمیش انت کہ من وتی ڈیھہ ءَ ’’چے حبر‘‘ءِ واجہ بین۔بلے آئی یے واستءَ بازیں لوازمات لوٹ ایت،بزاں راجی منظمیں فگری گل ئے کہ آئراوتی مہلوک ءِ کمک گون بی بیت ءُ بین الااقومی سپورٹ پہ آزادی یے واستءَ سک ضروری انت۔گڑاسوبمندبئے۔۔۔ناں۔۔تو۔۔‘‘
مالک صاحب یک گپ ئے شرگوش بداردادشاہءِ گل ءِ ہماپیریں کماشءَ بی چل سالءَ ساری ہمے گپ جتگ کہ سرگوں سنگءَ میڑینگ نہ
بیت۔دژمن سک طاقت وریں۔ ماں نزوریں۔دژمن ئے کِرابمب ءُ ٹوپ است۔آجوئی یے واستءَ میاں استمانی کمک لوٹ ایت۔ہماوھدءَ کُٹ سریں بشوشگءَ بی ہمے گوشتگ کہ مئے گومہ جنگ نہ بیت ماں جمہوری جہدکنیں۔بلے مالک صاحب!!!جنگ کنگ وَہرحالءَ لوٹ ایت۔جنگءَ مرچی کنے یابانداکنگ وَلوٹ ایت۔جنگِ آجوئی سک دراجیں راہ ئے۔راجءَ جنگ بندات کتگ جنگ میاں استمانی دلگوشءَ اوں وتی نیمگءَ آرگائیں۔میاں استمانی دگنیا ہماوھدءَ کمکءَ کنت کہ آچیزے سُرپُربگندیت۔آبزانت کہ راج وتی جنگءَ چنکہ محکمی ءَ گوں برگائیں۔جنگ وھدے کہ محکم بیت گڑاالم میاں استمانی دگنیالاچاربیت کہ جنگ ئے پلہ مرزی ءَ بکنت۔اے جنگ بازیں اوبادگ ئے وارت پداوتی منزلءَ سربیت۔ جنگ نسل درنسل روان کنت تہ آبسری ءَ سربی بیت۔۔۔۔۔۔۔
دیمتراآزمانک گشیت’’دادشاہ ءُ آئی یے سنگت ہمے نتیجہ ءَ سربوتاں کہ اے جنگ راج ءَ رانکسان دنت۔مہلوک وتی لوگ جاگہاںیل دیاں درانڈھہ بنت۔وانگ زانگ متاثربیت۔معاشرہ تباہ بیت ہر نیمگ ءَ چوکی بنت۔‘‘جی واجہ توبلکل راست گشئے تئی گپ بجاہ انت کہ جنگ ئے کنگ وش نہ ئیں۔بلئے آکجام چیزیں کہ بنی آدمءَ لاچارکنت دیم پہ جنگءَ سکین دنت۔’’راجی غلامی‘‘یے ھاتراجنگ المی ایں۔اے جنگ یک برے تباہی کارایت پداوش حالی ۔جنگ کنئے الم ڈیھہ ئے درائیں اداراہ متاثربنت۔وانگ جاہ بندبنت۔بازارءُ سرکاری دفتربن گرنت سُچ انت۔مہلوک بزگ بیت۔اسکول ءُ کالجانی سراچوکی بنت ۔اے درائیں چیزجنگ ئے بہرانت۔جنگ ئے وھدءَ اے درائیں چیزبنت۔راجءَ جنگ ئے لانک بستگ اے جنگ تاںآجوئیءِ منزلءَ برجم دارایت۔۔۔۔۔۔۔۔
دیمترامالک نبشتہ کنت ’’اناگاہ یک سہب ئے ٹیلی ویژنءَ بریکنگ نیوزدات کہ یک شوانگے ءَ کورءِ تہاسئے لاش لاش دیستگ کہ آہانی سرءُ سینگءَ تیرانی نشان اِتاں۔ گڑازوتاں ما لوم بوت کہ اے لاش یوسف ءُ آئی یے دوسنگتانی انت۔کہ لہتیں روچءَ ساری پوجءَ چہ بازارءَ برتگ اِتاں۔۔۔۔۔‘‘ھؤاے شہیدیوسف وتی راجی جنزء آجوئیءَ گوں ہمگرنچ اَت۔راجءَ راگلامی یے ھلاپءَ جنگ کنگ ئے سکینءَ دئیگا اَت۔راجءَ رامچی یے نیمگءَ آرگءَ اَت۔یوسف یک نرمزاریں،دلیریں مردی اَت کہ آئیءَ دادشاہ ئے گل یل داتگ اَت۔یک آجولوٹوکیں گل ئے جوڑداتگ اَت کہ آئی یے یکیں مکسدبوتگ کہ راجءَ راچہ گلامی یے سانکلاں درکنگ۔یوسف گوں وتی سنگتاں دیمءَ روان اَت۔زرمبش گوں ترندیں گاماں جنزگءَ ات کہ اناگتاںیوسف گوں وتی دوسنگتاںآوارجنگ بوت ءُ لہتیں روچاں پدآہانی جون ماں کورءَ دست کپتاں۔۔۔۔۔۔
انچوکہ راج ئے آشوب دیماروان اَت گڑاآشوبے ہمے سئے ایں رہشون شہیدکنگ بوتاں گڑانوں گنترجاورنگیگ بوتاںھلکے۔ہرجاگہ زہرشانی،بمب ءُ ٹوپانی توار،راکٹ ءُ لانچرانی گواری،تیرانی ترندیں توار،اے دنزءُ مج کہ بال اِتاں اے راج ءِ سرمچارانی ءُ لشکرئے نیاماجنگ ئے نشانی اِتاں۔ہرجاگہءَ مراگشانی مراگش چوک ءُ بازارانی سراکنگ بوتاں۔راج ئے حال سک ہزاب اَت۔راجءَ آشوب ئے زمہ واری کوپگءَ کتگ اَت ۔بازیں ورنائے آوارجنگ بوت۔ہماروچءَ بگرتہ مروچی جونانی کپگ برجاہ انت بلئے دادشاہ ئے گل انگت روبائے لٹکءَ یل ندنت۔۔۔۔۔۔۔
آزمانک ءِ دگہ گپے ا ش انت’’سرکارءَ وتی ڈیتھ اسکواڈجوڑکت انت تنکہ اے نوجواناں بکش ایت‘‘۔۔۔اے حبروَراستے کہ سرکارءَ
ڈیتھ اسکواڈجوڈکتگ بلئے اے دیتھ اسکواڑانی ہمکوپگیءَ دادشاہ ئے گل ئے زندگیں مردم گون انت۔ورناہانی کوش ءَ دادشاہ ئے گل ئے یک بلائیں دست ئے ماں۔دگہ جاگہے نبشتہ کنت کہ ’’ڈیھ ئے مہلوک نگیگ بوتاں ،دومی نیمگءَ انقلاب کمزوربوت گڈاآھاں مخالفانی جنگ بنگیج کت ءُ اخبارا ں نبشتہ کت کہ اے ماکشتگ پرچیکہ کہ مخبرءُ ایجنٹ ئے بوتگ۔بدقسمتیءَ اشانی اولی ٹارگٹ د ادشاہ
بوت۔‘‘مالک صاحب گپ وَ دگنیائے توکہ پدریں کہ راج ءِ انقلاب نزورنبوتگ ہماپیما دیم پہ منزلءَ جنزگائیں۔راجءِ انقلابءِ دیمءَ کجام بی کس اگں اوشتاتگ آ چائے ہر کس بی بیت آالم دورکنگ بیت۔ دادشاہ ئے روجدوستی یے سراچست بوتگں جست ءُ پسہوانی نبشتانک انگت مئے کِراست انت۔ دادشاہ راجی آجوئی یے جہدءَ وش نبوتگ۔اے گپ کہ دادشاہ روجدوستے بوتگ اشی یے پسہ راجدپتربی وت دنت۔۔۔۔۔
مالک صاحب من سرپدنباں کہ روجدوستی کجام چیزے نام انت کہ دادشائے گل وتارالیکیت۔راجدوستی پہ راجءِ وشیں بانداتے ھاتراجنگ کنگ انت۔راج ءِ آجوئیںآکبت ءِ واستءَ جنگ کنگ انت۔ راجءِ مستریں جیڑہ راجی گلامی ایں۔اے جنگ ورناءُ کماشاں وتی کوپگاں زرتگ۔اے جنگءَ دادشاہ ئے گل بہرزوریت یا نا۔بلئے جنگ پہ کسءَ مہتل نہ بیت۔جنگ جنزان کنت۔جنگ بازینے کشیت بازینے گارکنت۔بازینے درپہ درکنت۔بازینے یلاکنت۔بازینے دمبارت ۔بازینے شہیدکنگ بیت۔بازینے گارءُ بیگواہ بیت۔اے کورءِ ھارسک ترندیں۔۔۔اے آشوب ءِ برانزءَ بازیں مہلوک ئے پتاتگ۔لھکانی سابءَ مہلوک جنگ بوتگ،گارءُ بیگواہ بوتگاں۔اشانی کس ءُ وارث اے جنگءَ برجاہ دارنت۔چائے کسے ہمرا بی یاناجنگ نہ اوشتیت۔ڈیھہ ئے سرمگیں کوہ آنی سنگرچہ بامردیں ورناہاں پُرانت کہ آیردستیں راج ءِ پوج گشگ بیت۔۔۔۔۔۔
گڈسراآزمانک گشیت’’نتیجہ ہمے درکت سیاسی کارکن مرت انت ءُ سیاست پدابرزی طبقہ ءُ سرکاری واجہانی دستءَ روت‘‘اے نبشتانکی گپ انت یا آزمانکی نزاناں۔۔۔بلئے سیاسی باسک زندگ انت ،راج ءِ ورنازندگ انت،راجی انقلاب زندگیں،راجی گل ئے رہشون زندگیں۔۔۔راجءِ جنگ اوں زندگیں۔۔۔مرچی شپانک ئے دستءَ انت جنگ۔۔۔۔برزی طبقہ ءِ وھدشُت۔مرچی دہکان ءُ گریبیں مہلوک سیاست ئے بہرجوڑبوتگ۔۔۔اے سیاست برجاہ ایں۔۔۔ھینکہ جلدی ناامیت نہ ئیں۔۔۔۔تومہ جیڑ۔۔۔۔۔!!!!!!!
گُڈی گپ:
یوسف ءُ سنگتانی شہیدکنگاپدوؤٹ ءُ گچین کاری یے وھد اتک دادشاہ ئے گلءَ بہرزرت۔وزیر،سروزیربوتاں۔راجءِ انقلاب ئے پروش دئیگ ئے ھاترادادشائے گلءَ رستریں پوجءِ second peddleءَ جنگااَت۔آشوب ئے بندوکیں مہلوک ئے ھلاپءَ دادشاہ ئے گلءَ دژمنیں لشکرئے ہمکوپگی کت۔آجوئی لوٹوکیں درائیں مہہلوک ئے درپہ درکنگءَ دادشاہ ئے گل ئے ٹوئیں دست ئے مان۔آشوب ئے ھلاپءَ استانی پوجءِ کمک کنگ بی دادشاہ ئے گل ئے زمہ واری اَت۔۔۔۔۔
راجءِ ورہانانی بیگوائی یے کنائینگ،ماسانی لاڑکیں بچانی شہیدکنگ،گہارانی سریگانی دورکنگ،پیرءُ کماشانی بیگوائی،کوئی مہلوکءِ ڈگارءُ
گسانی ماندارگ،اے درائیں کارانی آسان کنگ ئے واستءَ راج ئے دژمن ئے ہمراہ داری کتگ۔ڈیھہ ئے آشوب ئے آئی جیک کنگ ئے ھاترا دادشاہ ئے گل ئے ءُ لشکرئے نیاماگندءُ نندبوت آہاں وت ماں وتاں تپاکی کت کہ آشوب ئے دیم ہروڑادارگی ایں۔۔۔۔ بلئے نزانت کہ آشوب ئے برانزھلک ئے درائیں کوچگاں تالان بوتگ اشی یے دارگ بازگرانیں۔۔۔۔۔۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s