بغاوت ہند 1857ء

kashmir

بیبرگ بلوچ

انگلش ایسٹ انڈیا کمپنی 1600ء ٹی جوڑ مس دا کمپنی ہندوستان ٹی چنکو چنکو کاروبار نا بنداؤ کرے۔1611ء ٹی ہندوستان نا شارمچھلی پٹنم ٹی کمپنی تینا اولی گودام(فیکٹری)ءِ جوڑ کرے۔1612ء مغل شہنشاہ جہانگیر تون اَسے کاروباری معاہدہ اَس کرے گُڑا اندا سوب آن ایسٹ انڈیا کمپنی ہندوستان نا بازا شار تیٹی گودام جوڑ کرے کمپنی تینا کاروبارءِمونی درسہ کرسہ کرےآخر آ اسے بھلو کمپنی ئس جوڑ مس اُ بازا گِڑاک اونا دوٹی بَسُر تاریخ ٹی بریک کہ کمپنی تینکن اَسے فوج ئس جوڑ کَرے اسلحہ ہم ہندوستان ٹی ایس جمع کرے۔کمپنی کَرا کَرا مونی اِنسٹ کرے اُ ہندوستانی اُلس تون آوار ہندوستانی فوجی تا زیہا ظلم کننگ شروع کرے اندا ظلم نا سَوب آن ہندوستان ٹی اسے بغاوت ئس مس اَرادے بغاوت ہند پارہ۔ 10 مئی 1857ء اَسے سُرمئی شامس اَس دھلی آن 43 میل مُر میرٹھ چھاونی ٹی بظاھر اَر گِڑا اَردے نا معمول نا وڑاَس یکشمبے نا سَوب آن ایسٹ انڈیا کمپنی نا سول،فوجی انگریز آفیسر آک تینا بنگلہ غاتیٹی بے سُد اَسُرا۔ولے ایلو پاراغان ہندوستان نا تاریخ ٹی کُلان بھلا بغاوت تیار اَس ۔دا نا بُنداؤ میرٹھ چھاونی آن مروئی اس۔ دے نا تمننگ تون اَوار ہندوستانی سپاہیک بغاوت کرسہ چھاونی نا جیل آ حملہ کریر دافتا مسخت جیل ٹی قید تینا 85 سنگتاتے کشنگ نا اَس ارافتے کمپنی کارتوس استعمال نہ کننگ نا جرم اَٹ کورٹ مارشل کرسٹ جیل ٹی بند کریسس۔ جیل آ حملہ خاخر اَمبار تالان مس دا اسے تِریشونک حاکم و محکوم، ظالم و مظلوم نا نیام ٹی جنگ ئس جوڑ کرے۔منہ گھنٹہ ٹی تیوا چھاونی ٹی بغاوت مس۔ 11 مئی نا صوب ء باغی تا سپاہی تا اَسے بھلو کچس دھلی نا لال قلعہ نا مونا یکجا مَسُر ءُ مغل بادشاہ تون ملنگ نا پاریر۔82 سالہ بہادر شاہ ظفر باغی سپاہی تون اِیت کننگ کِن تینا سیکیورٹی انچارج کیپٹن ڈگلسءِ رائی کرے کہ نی دا باغی سپاہی تون ایت کر ۔ولے ڈگلس گدرینگوکا بغاوت آن بے خبر اَس اندا سوب آن اُو تینا سامراجی زبان ٹی باغی تون ایت کرسٹ اوفتے پدی اننگ نا پارے اندا دھمکی نا سوب آن ڈگلس ام دا باغی تا دوہان خلننگا۔سپاہیک قلعہ ٹی انار قلعہ ٹی اخس انگریز سول و فوجی آفسر اسُرا اُفتے کسفیر ءُ بہادر شاہ ظفر مجبور کریر کہ اوفتا ایتاتے بنے۔ لال قلعہ نا قو ضہ آن پد دا بغاوت نا خاخر کُلا دھلی شارٹ تالان مرسٹ اِنا دھلی نا اُلس ام دا بغاوت ٹی اَوار مرسٹ باغی سپاہی تا کمک کریر۔ منہ وخت باز انگریز افسر آتا ءُ باغی سپاہی تانیامٹی دا جنگ چلینگسٹ کرے۔16 مئی اسکان تیوا دھلی باغی تا قوضہ ٹی بَس دھلی نا قوضہ آن پد دا بغاوت ہندوستان نا ایلو علاقہ غاتیٹی کانپور، لکھنؤ، جھانسی، جبل پور، ناگ پور، فتح گڑھ آ تالان مَرسٹ اِنا۔ ستمبر 1857ء اِسکان دا بغاوت ہند تینا جوش ٹی ئس بازا جنگ آتیٹی کمپنی نا فوجی تے شکست مَس گُڑا ستمبر آن پد کمپنی تینا وفادار آ فوجی تے ءُ برطانیہ آن بروکا کمکءِ امو جاگہی آ وفادار آتے اَرا تینا جندنا دھرتی ہندوستان نا باغی سپاہی تے اِلسٹ انگریز نا وفادار جوڑ مسُر دافتے غُٹ اوار کرسٹ اسے بھلو طاقت ئس باغی سپاہی تاخلاف اوار کرے اُو دھلی آن باغی تون جنگ نا بنداؤکرسٹ 20ستمبر اِسکان دھلیءِ باغی تا قوضہ غان ولدا اَلک۔دھلی نا شکست آن پد بغاوت نا جوش پِنسَٹ کرے ۔اکتوبر ٹی کمپنی آگرہ، کانپور آ ام ولدا قوضہءِ الک۔ جون 1858ء ٹی گوالیار ٹی کمپنی نا قوضہ آن پد بغاوت نا اَرا بچت آ خاخراَس او ام کسک ہندوستان ولدا کمپنی نا کیرہ غا بس۔ ولے ایلو پاراغان برطانوی حکومت باز وختان تینا نظر ءِ ہندوستان نا وڑنگا ملک آ تخاسُس انتکہ برطانوی سامراج ہندوستان ءِ صرف ایسٹ انڈیا کمپنی نا قوضہ ٹی تخنگ خُواتویکا۔ گُڑا اندا سَوب آن 1857ء نا بغاوت برطانوی سامراج ءِ دا موقع تس کہ او تینا دا خواستے پورؤ کے۔ 2 اگست1858ء ءَ گورنمنٹ آف انڈیا ایکٹ نا زریعہ ٹی ہندوستانءِ تاج برطانیہ نا تابع کرسٹ اودے برطانیہ نا کالونی ئس جوڑ کرے۔ دا اسے زندہ او مثال ئسے ہمو قوم آتیکن ہَرا دا دور باری ٹی بے سُد مرسہ تینا قومی پہچان و ڈغار آن بے شعوری نا دو آن بے مسخت آ ویل آتیٹی اختہ مرسہ تینا ڈغار ئے سامراج نا کالونی ئس جوڑ مننگ نا موقع ایترہ۔ دا ہم سامراجی گل آتا اسے چَم ئسے کہ قوم نا نیام ئٹ بے مسخت او ویل وَدی کیک ہرا وخت آ قوم نا اُلس نا ویل آتیٹی تینے زیات اختہ کرے تو سامراج آسانی اٹ اوتا دھرتی ئے کالونی ئس جوڑ کیک۔ قومی شعور ہر قوم اَکِن بے حد ضروری ئے ناکہ ہندوستان نا وڑ آ دھرتیک برطانیہ کونا سامراج آتا دوٹی اینو ہم کالونی بدل مننگ کیرہ۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s