“نقلابی کارکن کی شناخت”

تحریر : خاکی جویو

انقلابی کارکن کشادہ دل اور وسیع الذہن ہوتا ہے ۔ مخلص اوایماندار ہوتا ہے وہ جدوجہد سے نہیں کتراتا ، انقلابی مفادات کو اپنے مفادات ،سمجھتا ہے اور اپنے مفادات کو انقلابی مفادات کے زیر طابع رکھتا ہے ۔وہ ہر وقت اور ہرجگہ انقلابی اصولوں پر ثابت قدم رہتا ہے اور غلط رجحانات ، خیالات اور عمل کے خلاف انتھک جدوجہد کرتا ہے تاکہ تنظیم کے اجتماعی مفادات کو مضبوط کرسکے وہ تنظیم اور عوام کے مابین ذرائع کو مضبوط بناتا ہے ۔ انقلابی کارکن کسی فرد واحد سے زیادہ تنظیم اور عوام کے مفادات کو اہم سمجھتا ہے اور اپنی ذات سے زیادہ دوسروں کاخیال رکھتا ہے ۔

وہ جانتا ہے کہ صرف اسی طرح ہی وہ حقیقی انقلابی کارکن بن سکتا ہے ۔ ہر انقلابی کو یہ بات ذہن میں رکھنی چاہیے کہ وہ اپنے قول اور فعل کے ذریعے عوام کی اکثریتی مفادات کو اولیت دیتا ہے یا نہیں ؟ اسے عوام کی حمایت حاصل ہے یا نہیں ؟ ایک انقلابی کارکن کو ہمہ وقت ہر جگہ اپنے مفادات کو قوم اور عوام کے مفادات کے تابع رکھنا چاہیے ۔ خود غرضی ، لالچ ،سستی ،کاہلی ،بداطواری ،بداخلاقی اور خودپسندی ایسی باتیں ہیں جو قابل نفرت اور قابل حقارت ہیں ۔ بے لوث ہوکر عمل کرتے رہنا ، انتھک جدوجہد اور عوامی مفادات اور کام کے لیے دل و جان سے وقف کردینا یہ ایسی باتیں ہیں جو قابل احترام اور لائق عزت اور محبت ہیں ۔

انقلابی کارکنوں کو ہمیشہ سچائی اور صداقت کی سربلندی کے لیے برسرپیکار رہنا چاہیے کیونکہ ہر سچائی اور صداقت عوامی مفاد کے لیے ہوتی ہے اور انقلابی کارکنوں اور رہنمائوں کو غلطیوں کی اصلاح کے لیے خود ہمہ وقت تیار رہنا چاہیے کیونکہ ہر غلطی عوامی مفاد کے ٹکرائو میں ہوتی ہے ، انقلابی کارکنوں اور رہنمائوں کو ہمیشہ معاملات اور مسائل کے اسباب و علت کی چھان بین کرنی چاہیے اور اپنی عقل و دانش کو برائے کار لانا چاہیے ۔ انہیں اس بات پر بطور خاص توجہ دینی چاہیے کہ وہ جو باتیں کہہ رہے ہیں آیا وہ حقائق سے میل کھاتی ہیں یا نہیں ؟ کیا ان باتوں کی کوئی ٹھوس بنیاد ہے بھی یانہیں ؟ انہیں اس سے برعکس باتوں کی بند آنکھوں پیروی کبھی نہیں کرنی چاہیےاور ہر قسم کے ملازمانہ اور غلامانہ ذہنیت کے خلاف جدوجہد کرنی چاہیے ۔ انقلابی کارکنوں اور رہنمائوں کو ہمیشہ مجموعی قومی مفاد کو اولیت دینی چاہیے ۔ انہیں خاص خیال رکھنا چاہیے کہ ہر تنظیمی ممب کام کی ہر شاخ اور ہر قول و فعل کو پوری تنظیم کے مفاد کے تابع رکھنا چاہیے اور اس اصول کی خلاف ورزی کی کسی صورت اجازت نہیں دیں ۔ انقلابی کارکنوں اور رہنمائوں کے لیے از حد ضروری ہے کہ وہ باعمل ہونے کے ساتھ ساتھ دانش و

انقلابی کارکنوں اور رہنمائوں کو عوام کی اکثریت سے الگ ہوکر جلد بازی میں آگے بڑھ کر چند ترقی پسند گروہوں کی رہنمائی کرنے سے گریز کرنا چاہیے بلکہ انہیں ترقی پسند گروہوں اور عوام کے مابین نزدیکی روابط پر اپنی توجہ مرکوز کرنی چاہیے کیونکہ انقلابی کارکن بیج کی مانند ہوتے ہیں اور عوام زمین کی طرح ، اس لیے عوام سے نزدیکی رابطہ ان سے میل جول رکھنا اور ان میں گھل مل جانا ضروری ہے اس کے لیے ان میں اتنی صلاحیت ہونی چاہیے کہ وہ ہر معاملے میں عوام سے رابطہ کرسکیں ، اگر انقلابی کارکن کمروں میں بیٹھ کر جمائیاں لیتے رہے تو طوفان سے ٹکرا کردنیا کا مقابلہ نہیں کر پائے گے ۔ یہ طوفان دراصل عوامی جدوجہد کا طوفان ہوتا ہے اور دنیا دراصل عوامی جدوجہد کی عظیم دنیا ہوتی ہے ، انقلابیوں کی کردار زبردست اور مثالی ہوتی ہے اس لیے پارٹی کارکنوں کو ہر حال میں بہادری سے اپنی جنگ جاری رکھنی چاہیے اور پارٹی احکامات اور ضوابط کی پیروی کرنی چایہے ، انہیں سرگرمیوں کے دوران تنظیم کے اندرونی اتحاد اور استحکام کو مقدم رکھنا چاہیے ۔

انقلابی کارکنوں کو کبھی خودخیال اور خود پسند نہیں ہونا چاہیے ، انہیں کبھی بھی یہ نہیں سمجھنا چاہیے کہ وہی عقلِ کل ہیں اس کا مطلب یہ بھی نہیں کہ خود کو اپنے کمرے تک محدود کردیا جائے بلکہ صرف یہ ہے کہ انہیں خودستائی یا پھر اپنے منہ میاں مٹھو نہیں ہونا چاہیے ۔ کارکنوں کو دوسروں کے خیالات دھیان اور توجہ سے سننے چاہیے اگر ان کا نقطہ نظر غلط ہو تب بھی ان کی بات کو مکمل طور پر سنا جائے اور اس کے بعد انہیں صبر و تحمل سے سمجھانا چاہیے ، جو اپنے کام غلط طریقے سے کررہے ہوں انہیں سمجھانا چاہیے لیکن ٹوکنے سے گریز کرنا چاہیے تاکہ وہ اپنی اصلاح کرسکے کسی غلطی پر انہیں ایک دم تنظیم سے خارج کردینا غلط ہے بلکہ انہیں اپنی غلطی کی اصلاح کرنے کا موقع دیا جانا چاہیے ۔ جو دوست سیاسی جانکاری کے معاملے میں کمزور ہوں انہیں حقیر نہیں سمجھنا چاہیے بلکہ ان کے ساتھ دوستی کرکے ان کو قائل کرنا چاہیے اور انہیں تربیت دی جانی چاہیے انہیں آگے بڑھنے میں مدد فراہم کی جائے اور ان کی حوصلہ افزائی کرنی چاہیے ۔

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s